١٥ شغلة بتدل على إنك كبرت وربيت بطرابلس

طرابلس هي من أحلى المدن في لبنان أنا ولدت وتربيت فيها، انتو كمان؟ شوفو إذا بتوافقونني الرأي بهل ١٥ شغله.

١- إذا ضهرت تكزدر وما فتت ع برانش أو دجينجير يعني في شي كتير غلط بحياتك الاجتماعية.

٢- كنت تنطر أوتوكار المدرسة من الساعة سبعة الصبح و تلوح بإيدك متل الهبيلة لكل الولاد يلي عم بفلوا قبلك. عذاب!

٣- وين ما بتروح بتشوف عالقليلة خمس أشخاص بتعرفن. وبتغمرك الفرحة لما بتحضا بحدا من أساتذتك برات المدرسة. *بليز ما حدا يخبر إمي قديش أخدت عالإمتحان*

٤- المنظر من سنسول البالما بيتش ما بيتفوت… مين كان سامع بعد بمشهد الغروب من إيريس ؟

٥- في عطول إحتمال كبير كل ما تشتري تياب جداد من شارع نديم الجسر تلاقي تاني يوم حدا لابس متلن هني ذاتن وتبينوا متل التوم المبسوطين بحالن كتير.

٦- اكتر شي كان يسليك، أو يمكن الشي الوحيد، إنك تروح مع أصحابك عشارع المعرض وتستأجروا بيسكلاتات.

٧- تفاصيل حياتك الخاصة موضوع بيناقشوا الكل. عشان هيك كنتـ/ي تفتحـ/ي عيونَك/عيونِك كتير منيح لما تضهر/ي مع صاحبتك/ صاحبك.

٨- السهرة بالبترون متل شي سفرة على جزر المالديف. وتاني نهار بتنزل عفايسبوك ألبوم في ٧٠٠٠ صورة .

٩- أبعد بيت من بيوت صحابك بدك خمس دقايق بالسارة لتوصلو. ولا مرة حسيت حالك مستعجل.

١٠- خططت إيام وليالي كاملة لتضهر برات طرابلس، كرمال تروح عالوايفز مثلاً، أو لتشاركة بالآي. يو. بي.أوتدورز. ولعتا بالبوسطة، هيدا إذا سمحولك أهلك تنزل وحدك بالبوسطة.

١١- لما سرقت مفتاح السيارة لتعمل لفة زغيرة حول البناية مع عشرين رفيق، كمشوك أهلك إنتا وبعدك بالباركينغ. مش معقول هالجيران شو بيحكوا!

١٢- معظم أصحابك رافقوك من الحضانة للتخرج. وبعدن لحد هلأ أصدقاء المفضلين والأقرب إلك.

١٣- خبرت الكل، حرفياً الكل، إنو هالسنة شجرة الميلاد بطرابلس تفق عشجرة جبيل.

١٤- ما صدقت إنك تخرجت من المدرسة.

١٥- رغم كل شي، رح تبقى سوبر فخور إنك طرابلسي ورح تحتفظ من لهجتك مدينتك الشمالية!

ترجمة: رنا قاروط