أجمل بحيرات وأنهر بلبنان

لبنان، هالبد الزغير كتير، ويلي تقلصت في مساحة الخضار للمينيموم، وارتفعت نسبة التلوث لحدود خطرة كتير، بعدنا منلاقي فيه شوية أماكن لتنشق الهوا النقي. تعرفوا معنا عهالممجوعة من البحيرات والأنهر يلي مننصحكن تزوروها إذا بعد ولا مرة رايحين لهونيك.

١- بحيرة القرعون:

هي بحيرة اصطناعية بتشكل منظر جمالي رائع بوادي البقاع. مكان مناسب جداً ليلي بحبوا البيك – نيك. طلعوا بالسيارة، وخدوا معكن سندويشاتكن بعد ما تحضروها بالبيت وقنينة نبيد وقعدوا تأملوا بعمق وسط هالطبيعة الخلابة.

٢- بحيرة بنشعي:

بينجذب إلا كتير من السواح يلي بزوروا زغرتا. بيسبح ع وجا بط ووز فيكن تشوفوهن عن قريب إذا أخدتو بيدالو أو شختورة زغيرة. بالميلاد بيتزين حولا بشكل رائع وجذّاب وبترتفع شجرة عيد عملاقة حدّا بضيف للمكان جو المناسبة.

٣- بحيرة تعنايل:

بمنطقة زحلة، رح تحسوا هالبحيرة كأنا صورة وطالعة من شي كتاب. هونيك، بنظم دير تعنايل كتير من النشطات: ركوب بيسكلات، مشي بالطبيعة، تذوق للأنواع المختلفة من النبيد يلي بتخصص فيه هالمنطقة الشهيرة بالعرايش.

٤- بحيرة عيون السمك:

مخفية بالضنية، بالشمال اللبناني، هالمنطقة بعدا محافظة عصفاءا الطبيعي وهي، لحسن الحظ، من الأماكن النادرة جداً يلي بعد ما لحقا الخراب البيئي. موقع مميز، بتحيط فيه الجبال الشاهقة والساحرة، كتير مناسب اللبيك – نيك، للمشاوي ولتتمشوا بين أحضان الخضار. بإيام الشوب القوية، ورح تحبوا كتير برودة الطقس اللطيفة هونيك.

٥- بحيرة شوان:

بشوان، القريبة من ضيعة قرطبا، فيكن تسبحوا، تمارسوا رياضة المشي أو تتأملوا المعالم الطبيعية الرائعة. إيه، فيكن تعملوا كل هول، وصدقوني إنتو بحاجة لهيك شي.

٦- نهر يحشوش:

بمنطقة يحشوش، هالقطعة الخضرا النازلة من الجنة عالأرض بتختصر كل غنى الطبيعة اللبنانية. النهر محاط بغابات غضة وهوي الوجهة المثالية لمحبي التخييم.

٧- نهر العاصي:

إذا كنتو من عشاق الرياضة، فأكيد سبق وتعرفتوا عهالموقع بالهرمل، البقاع! التيار القوي يلي بمر بالنهر بخلي المي تتدفق بحيوية بين الصخور وبحمسكن عممارسة التجذيف، هيدا بالإضافة لكونو من أجمل المساحات المائية ببلدنا.

ترجمة: رنا قاروط