٥ أطباق باستا لازم تجربوا بلبنان

من أطيب المطابخ العالمية هو المطبخ الإيطالي. واكيد بتعرفوا إنو نجم هيدا المطبخ طبق الباستا. منقدملكن من أشهى مأكولات الباستا بلبنان. جربوا وخبرونا شو رأيكن!

١. رافيولي من مطعم غيلت:

ألذ باستا بالكريما والسبانخ وجبنة الريكوتا الإيطالية الدسمة. بيتقدم الطبق مع جوز بيعطي قرمشه.  

العنوان: الصيفي، وسط بيروت

٢. لازانيا من مطعم أبيتيتو:

طبقات من اللازانيا والصلصة والجبنة الغنية أكيد حتخليكن تطلبو صحن تاني من هالباستا الشهية.

العنوان: الحمرا والجميزه

٣. اوريكيته من مطعم بار تارتين:

صلصة الكريما والبستو مع هليون، فطر، وبندورة مجففة وحبوب الباستا الصغيرة. ممم. 

العنوان: مار ميخائيل والضبية

٤. لنغويني مع سلطعون من مطعم ماريو ي ماريو:

باستا بتاخد العقل مع كمية كريمة من السلطعون بصلصة غنية فيا شوي حر.  طبق مثالي للي بحب مأكولات البحر والباستا. 

العنوان: مار ميخائيل

٥. باستا بالكالماري من مطعم لي بيتيت تابل:

صلصة بيشامل مع خلطة من الأعشاب الروعة وكالماري طازج بتطير العقل – يلي بحب في يزيد لحم الجامبون المقدد. 

العنوان: النقاش و-ABC فردان