٧ ڠـروبات واتسأپ كل لبناني بيعرفها

خلينا نشوف نشوفهن. خبرونا بالكومنتس إذا نسينا شي وحده منهن!

١. ڠروݒ العيلة

كل يوم الصبح الوالدة بتبعتلك صور “صباح الخير” ما غيرا. أما الوالد، فرسايلو كلمتين تلاتة بس، وعادة بتكون وحدي من هول الجمل: “وينك؟”، “كيف الشغل؟”، “رد عإمك”، “شو هالصورة يلي حاطتا؟ شيلا هلأ لشوف!”

٢. ڠروݒ الشغل

وهوي نوعين: واحد كتير جدي وكل الأحاديث فيه بتدور حول موضوع واحد: “أي متى العطلة؟”. أو واحد شرس، متوحش وما بيرحم. هول الجماعة بصوروا زملائن بالعمل أثناء هفواتن، وبيبعتوا صورن عالڠروݒ لينمروا علين ويحكوا بقفاهن أبشع كلام ممكن تتخيلوه.

٣. ڠروݒ “اللقاء القريب”

هوي ڠروݒ أصحابكن القدام يلي صرلكن أكتر من ١٠ سنين ما شايفن. فعلياً، بضلكن عم بتخططوا لمشاريع إنتو بتعرفوا كتير منيح إنكن بحياتكن مش رح تعملوها. مع هيدا وكلو، ضروري تضلكن تكبوا فيه من وقت للتاني كلمة متل: “مشتاقين. لازم نعمل شي قريبا صبايا / شباب” لثبتوا وجودكن عالساحة.

٤. ڠروݒ الأصحاب المزورة

مزبوط هوي ڠروݒ دايرة أصحابكن القراب، بس مش هون عنجد بتم الصفقات الحقيرة. هون بتحكوا بالأمور الطبيعية: شو مشاريعكن، عن السيارات، وأمرار (ومش عطول) واحد بيبعت للتاني: “نزال أنا برّا”. بتبعتوا لبعض ميمز كمان (بس مش كل شوي).

٥. ڠروݒ الأصحاب الأصلية

هون الشاشة للفضايح: مسبات من الزنار وبالنازل، نشر غسيل فلان وعلان، سكرينشاتس بالجملة… هيدا الڠروݒ يلي ما بتتمنوا حدا يعرف شو حاكيين فيه حتى من بعد وفاتتكن.

٦. ڠروݒ الأصحاب الأصلي تبع حبيبك/حبيبتك

بتاخدي/ بتاخود تليفونو / تليفونا لتشوفي / تشوف شو عم يحكوا. فيكن بكل بساطة تسجلوا باركود صاحبكن / صاحبتكن عاللابتوب تبعكن وهيك بتقدروا تراقبوهن من وابسايت الواتسأپ حتى لو ما معكن تليفونون. ملاحظة: شخصياً، ولا مرة عملتا. مش حلوة أبدا.

٧. ڠروݒ “العلقة وعقلاناها”

حدا خطرلو يعمل هالڠروݒ كرمال ضهرة وحدي صارت مرة… ولقيتوا حالكن ملبوصين فيه لكل العمر. ٧٢ بالميه من الناس يلي فيه بيرفضوا يضيفوا بعض علايحة الكونتكس تبعن والأغلبية صامتة كل الوقت.

ترجمة: رنا قاروط