لكل يلي بحبوا البسينات، صار الكن كافيه خصوصي ببيروت

إنتو مغرومين بهالحيوانات اللطيفة والأليفة؟ سمعوا هالخبرية لكن.

افتتح بيروت كات كافيه بوابو بالواجهة البحرية للمدينة آخر شهر تشرين التاني بالتعاون مع بيتا وﭘـيتريوكتيس.

بتقدم القهوة الأكل والمشروبات ضمن قعدة لذيذة بيتشاركوها الضيوف مع بسينات عم تروح وتجي وتلعب وتتسلى بيناتن، وهي كلا من تقديم بيتا، يعني حاصلة عالطعومة المطلوبة والشروط الصحية اللازمة للمحافظة على نضافة المحل.

الشق الأفضل بالموضوع إنو هالبسينات معروضة للتبني! يعني إذا رحتوا لتاكلوا شي طيب وخفق قلبكن لوحدي منن، عندكن إمكانية تتبنوها وتاخدوها عندكن عالبيت، مطرح ما رح تأمنولها الحضن الدافي والحنون، مع العلم إنو القهوة هي كمان متل دار قادرة تهتم فين كتير منيح من خلال فريق مدرب على كيفية التعامل معن. رح ينطلب من المتبني إنو يوافق على عدة شروط للتأكد إنو التجربة رح تكون سليمة وممتعة للكل.

كان إلنا حديث مع مديرة المشروع وقالت إنو الفكرة من المحل هي كسر النظرة التقليدية للبسينات المشردة من خلال مشاهدتن بشكل مختلف عن يلي تعودنا نشوفن فيه.

مفهوم جديد ورائع مندعيكن لاكتشافو!

ترجمة: رنا قاروط