٩ أمثال لبنانية عن أشهر السنة

بلبنان عنا أمثال لكل شي. ولما يكون الموضوع عن الطقس، تأكدو إنو الأمثال عن أشهر السنة اللبنانية لح تضحكن.

١. شباط اللباط: رعد وبرق، قد ما شبط ولبط ريحة الصيف في

المعنى: لو قد ما بكون شباط برد، بضلو دافي.

٢. اذار الغدار

المعنى: مافينا نعرف ايمتن لح ترعد

٣. اذار خبي فحماتك الكبار

المعنى: كمان لأن مبينعرف ايمتن لح يصير برد

٤. مية نيسان بتحي الانسان

المعنى: الشتا بنيسان بينعش الروح.

٥. ايار ضهر بقرتك من الدار

المعنى: إستعداداً للصيف ودفا الجو، صار فيهن يرجعو الحيونات لبرا.

٦. تموز بغلي المي بالكوز

المعنى: على قد الشوب، المي بتغلي بلا نار.

٧. آب اللهاب

المعنى: كمن عن حرارة الطقس العالية.

٨. أيلول طرفو بالشتي مبلول

المعنى: المثل بدل عن بداية فصل الشتي.

٩. بين تشرين وتشرين صيف تاني

المعنى: قد ما بطول الشتي ليجي، منحس كأن صيف تاني قبل تشرين التاني.