الأغاني يلي بتحكي عن لبنان الحقيقي

منجتمع بعد سنة أو سنين مش مهم، تنأكد انه رغم كل خلافاتنا بلبنان، الحرب المأساة قلة الاستقرار والهجرة … الشعب يلي زهق أنه “راجع يتعمر لبنان” متل ما وعدنا زكي ناصيف وعلى أنه يخلق وطن بيشبه ” قطعة سما”.

أكتر مشهد بيجمعنا سوا هو حبنا للوطن، يمكن ما منعرف نعبر عن الموضوع إلا بغنية وبس تبلش الموسيقى تدق، بصير الشعب كله متفق على كلمة وحدة “بحبك يا لبنان”.

هيدي بعض الأغاني يلي بتحكي لبنان الحقيقي، متل ما بشوفو الشعب اللبناني، واذا راح عن بالنا أغاني ذكرونا فيهم.

بكل تأكيد انه “الأخويين الرحباني” عملوا مسرحيات طويلة عريضة للوطن، من خلال أغانيهم وصوت “فيروز” فيك تحب لبنان أكتر وأكتر، فلما “تتلج الدني يا لبنان بحبك لتخلص الدني”، ولما “يسألوا شو بني بيعرفوا اني بحبك يا لبنان بفقرك بحبك وبعزك بحبك لأنك لبنان الكرامي والشعب العنيد”، وغير أغاني رحبانية فيروزية تغنت للبنان متل “خدني ازرعني بأرض لبنان” “بتخلص الدني ومافي غيرك يا وطني بتضلك طفل صغير”.

وغير الأغاني الفيروزية كتير غنوا عن لبنان الحب والسلام

– ع لبنان لاقونا – يا لبنان دخل ترابك – عالضيعة “صباح”

– أني اخترتك يا وطني “مرسيل خليفة”

– بكتب اسمك يا بلادي “جوزيف عازار”

– عم بحلمك يا حلم يا لبنان – لبنان بالقلب “ماجدة الرومي”

– لو هل دنيي سألت مينك بيكفي أنك لبناني “عاصي الحلاني”

والتفائل ما راح من الأغاني “فجوزيف عطية” غنا ” لبنان لح يرجع والحق مابموت والشمس لح تطلع تنور سما بيروت”.

مش بس وحده غنا لبيروت

“صباح” هي وبالغربة اتصلت حكت بيروت “حارة حارة من الصنايع للبسطة للروشة والمنارة من باب ادريس لــ الحمراء لفرن الشباك لـ الدورة للأشرفية”.

– من قلبي سلام لبيروت “فيروز”

– توت توت ع بيروت “مرسيل خليفة”

– ست الدنيا يا بيروت “ماجدة الرومي” عم تطلب من بيروت “قومي من تحت الردم لأن الثورة تولد من رحم الأحزان يا بيروت”.

الثورة … اذا منرجع بالأرشيف اللبناني لأيام الحرب منسمع الأغاني الثورية يلي طلعت بفترتها

– منرفض نحنا نموت قلولن لح نبقا “جوليا بطرس” كان اللها الحصة الأكبر بالأغاني الثورية، يا شعبي ليوم وقاف – أحبائي – يا ثوار الأرض – قوة محبة يا ثورة شعب بلادي – نحن الثورة والغضب.

– أنديكم – يا رايح صوب بلادي – ياستي ليكي ليكي ” أحمد قعبور”

– أنى اخترتك يا وطني مرسيل خليفة

غير لبنان الحب، مافينا ننسا أغاني نعملت خصيصا للجيش اللبناني منذكر بعضها

– تعلى وتتعمر يا دار – تسلم يا عسكر لبنان “صباح”

– أغنية الجيش اللبناني “نوال – عاصي – نانسي – نجوى”

– رشو الفل العسكر طل “باسكال صقر”