كومديين مشهورين بلبنان

هيدا الدارج، بس يكون عندك خيال، سرعة بديهة أو روح النكتة فيك تصير بلحظة كومي مشهور بلبنان.

ومن دون لف ودوران ما في أهضم من اللبناني بس ينكت، ببلش بحالوا بأهلوا بالوضع المادي السياسي أو الاقتصادي، حتى بتوصل في المرحلة انه يحفظ كلام الكوميديين بلبنان ويستعملهم كمحط كلامه.

طيب هلق مين بتحبوا من هل كومديّين؟ وشو أكتر كلمة أو عبارة بتستعملوها؟

شوشو، زياد الرحباني، نبيل أبو الحسن، أبو سليم، او إبراهيم مرعشلي ؟

أو يمكن ايلي أيوب: صحيح مش كل الناس بتحب أسلوبه بس مافينا ننكر انه بعفويته وتأليفه للنكت يعتبر أول كومدي بيبرع بالStand Up Comedy “وهل بنت السرلنكية سرقت قلبي وعينيي”.

بيار شمصيان: كومدي الشعب، اشتهر بأم جورجات في حدا مابيعرف شخصية الست اللبنانية الحشورة؟

عادل كرم: “وهيدا حكي” من أشهر وأهم الكومديين، بفترة قصيرة نعرف عادل من SLCHI من بعدها قدم برامج فكاهية وشخصيات نعرفت واشتهرت عند اللبنانية.

رولا شامية: “سوسو دخيلو” فينا نعتبر انه رولا ماشيي على خطى الفنانة الكومدية فريال كريم، ان كان بالتمثيل او الغناء.

فادي رعيدي: فاديا الشراقة والطفل المعجزة PIPO …غير انه ممثل كوميدي برع كمان بالإعلانات وبخلق الشخصيات المهضومة والقريبة للمجتمع اللبناني.

نعيم حلاوي: “اهلا حبيبي مشتقلك أنا” غير انه كومدي مشهور ورغم انه بضحك ناس كتير الا انه شخصية كتير خجولة وصعب تضحك بسهولة.

طوني أبو جودة: يلي بيميزه عن غيره هو تعدد المواهب يلي عنده، خاصة موهبة التقليد.

ماريو باسيل: حتى لو كنت بتحبه او لا، أسلوبه بخلي الناس كلها تحضره وتابع مسرحياتو الساخرة، غير انه ممثل كاتب مخرج منتج مقدم برامج، ساعد بانتشار معظم الكومديين. (طوني أبو جودة – فادي رعيدي – هشام حداد – جنيد زين الدين…)، “ويلااااااااااااااااااااااااااااااااااااااا”.

عباس شاهين: اول ظهور اله مع الفنان زياد الرحباني (بخصوص الكرامة والشعب العنيد-لولا فسحة الأمل) بالإضافة للكوميديا والصوت الرائع تميز بتقليد السياسيين، “ولعيونك”.

هشام حداد: “كوالتي يا كوالتي” بس نشوفه دغري منتذكر LOL” أول برنامج نكت جريء من نوعه على الشاشة، من بعدها لمع هشام ببرنامجه (لهون وبس) يلي حاليا عم ياخد أعلى rating.

جورج خباز يلي قدم كتير للضحك بالمسرح السينما والتلفزيون كممثل وكاتب ومخرج، عنده قدرة رهيبة باللعب على الكلام، “مش عاملي عشا؟ كل يوم دلفري”.

نمر أبو نصار: تربى نمر بأميركا وما بيحمل من لبنان الا الجنسية الا انه قدر يقدم عروض على مسارح لبنان واشتهر بنوعية الكوميدي الساخرة بس باللغة الإنجليزية.