حلبة تزلج على الجليد جديدة في بيروت

كتير منحب لمّا نشوف في نشاطات وتجارب جديدة عم تفتح ببيروت!

شركة O Unique Sports عم بطلقوا تجربة جديدة ببيروت كتير عالم بحبّوها، ويلّي هيّي حلبة تزلّج على الجليد ببيروت مقابل أسواق بيروت، قرب البيال، ووحدة تانية بال The Spot Choueifat.

حلبة بيروت حجمها ٣٠٠ متر مربّع وحوليها مطاعم كرمال يكون كل شي مأمّن.

الصغار والكبار فيهن يشاركوا بهل نشاط المهضوم، وإذا حدا ما بيعرف يتزلّج، بكون في صفوف مع أشخاص مهمّتهم يساعدوكن تتعلّموا.

أحلى شي بالموضوع إنّو عادةً بيفتحوا حلبات التزلّج بس بالشتوية. بس هالمرة حيفتحوا لنصّ الصيفية حسب ما عرفنا.

الحلبة بتفتح أبوابها خلال أسبوع من اليوم، فجهّزوا حالكن!

ساعات العمل:

أيام االعمل: من ال ٣ بعد الضهر لل ١١ بالليل

بالويك أند: من ال ١٠ الصبح لل ١١ بالليل

الأسعار:

أيام العمل: ٢٥٬٠٠٠ ل.ل للساعة الواحدة
الويك أند: ٢٠٬٠٠٠ ل.ل للنص ساعة

لكل ساعة إضافيّة: ١٠٬٠٠٠ ل.ل

للمجموعات أكثر من ١٠ أشخاص: ١٥٬٠٠٠ ل.ل للساعة الواحدة (أيام العمل فقط)

أسعار خاصّة للمدارس.