أجمل مشوار: مطعم وقهوة سكر نبات

لتخلص من هموم الحياة بالويك أند ما اللك غير تروح انت ورفقاتك وتبعد عن بيروت وعجقتها لحتى تتسلى وتضحك وتنبسط!

عبالك؟ شي قهوة تتسلى فيها؟ ترجع صغير وتضحك من قلبك؟

هي شبه قهوة على قعدة أصحاب، بتحس حالك ببيتك قاعد مع رفقاتك عم تلعبوا وتضحكوا، عندهم ممنوع الأرجيلة ولا الدخان هيك أفضل تا ماحدا يتدايق من العبقة…

قهوة سكر نبات (عمشيت) بنصح الكل يزوروها، مش بس لانها كنكونة او صغيرة كمان قعدتها مريحا فيك تلعب وتتسلى اد ما بدك انت واصحابك مع عصير او نسكافيه بتحس حالك ببيتك.

مش بحاجة تحمل تلفونك انت وهونيك, في كتير أمور تتسلى فيها غير الانترنت مع انه فيك تطلب الباسورد. في كتير العاب متل ( مونوبولي – طاولة زهر – ورقة شدة – Uno ) وكتيرر غيرهم فيكم تكتشفوها بس تزوروا.

بس بلش الضحك بس فردنا المونوبلي عنجد رجعنا لايام الطفولة بس كنا نغش بلا يلي حدنا يعرف, مع شوية ضحك قررت رفيقتي انه تتحداني بطاولة الزهر، مع اني كنت مركزة على زهري بس لفت نظري 2 أصحاب قاعدين حدنا وعم يلعبوا لعبة اسمها لعبة التركيز، هيدي متل كأن عم تعمر بناية وبدك ما توقع حجارتها.

لحتى تكمل الجلسة مع الألعاب وتسلية انت واصحابك فيك تاخد عصير أو قهوة او نسكافيه. انا شخصيا كنت مرتاحة انه ما في أرجيلة او دخان يعني يلي بدو يولعها في يطلع لبرا يشرب سيجارته. هيك جو اللعب بضل نضيف وبتتلزز بالمشروب يلي معك.

سكر نبات جو كتير واقعي بيشبهنا كيف عايشين لحتى ننبسط ونضحك ونلعب بتمنى من كل يلي زاروه يحطوا كومنت لحتى نعرف شو رأيهم بالمكان؟؟