قصر الأحلام بشمال لبنان: مكان خرج ينزار

متل ألف ليلة وليلة ما لح تصدق حالك انك فايت على قصر حقيقي معمول من الحجار والأشجار. المكان واسع بتقدر تبرم فيه برياحة وتتأمل معامل القصر وتاخد صور تذكارية.

"قصر الأحلام" بمنطقة بخعون شمال لبنان بالضنية منطقة فيها ثقافات وحضارات من الفنيقيين والفروعنيين والرومان والعرب والتراث اللبناني يلي منشوفه من خلال هل مبدع ( محمد هوشر) حول هيدي المنطقة لتحفة معمارية والغريب انه من الشجر والحجار.

تعمر القصر سنة ١٩٩١ بقلبه في طابقين مغطيين بالموزاييك والحجار الملونة سألنا عن أسماء الحجارة لحتى ناخد فكرة اكتر في منها العقيق اليماني الغرانيت الملون والصوان.

مرسوم بالقصر الأرزة والرماح والسيف والترس والبنادق والطاحون الخيمة الديوان الأباريق الخيول المغارة جرن الكبة قلعة بلبك قلعة عنجر قلعة المسيلحة صخرة الروشة وكتير من النقوش وكتابات. اللذيذ بالفن يلي معمول انه فيك تشوف رسومات كرتونية تحولت لمجسمات ملونة ومزخرفة بطريقة فنية مميزة متل ساندريلا وعلاء الدين …