١٣ خرافات كنتوا تسمعوها بطفولتكن بلبنان

يمكن يكون خيال الطفل واحد من أكثر الأشياء المسلية، زيدو عليها الأهل اللبنانية يللي على استعداد كامل يروحوا على أبعد الحدود كرمال يتجنبوا التفسيرات العقلانية، وبتحصلوا على وضع كتير مضحك. شوفوا معنا ١٣ شغلة سخيفة كنا نصدقن كأطفال:

١. ما تتركوا صبابيتكن مقلوبة.

٢. إذا بتبتلع العلكة، بتبقى بمعدتك ٧ سنين.

٣. إذا بتفتحوا شمسية بالبيت، بموت حدا.

٤. إذا حدا بيوقف فوقك إنت ونايم، بتبطل تكبر.

٥. لازم تسكر كل الخزانات أو الجن بيطلع منن إنت ونايم.

٦. الرعد هو إم رعيدة – وهي ساحرة شريرة بتختطف الأطفال الصغار.

٧. ما فيكن تعطو الملح لشخص تاني، لازم تحطوا على الطاولة قبل.

٨. القمر دائماً بيلحقنا وين ما نروح.

٩. إذا كنتوا لابسين عقد أو اسوارة عين زرقة ونكسرت، بتصيروا ملعونين بحظ سيء.

١٠. إذا حولت عينيك كتير، أو حولتن وخفت، بيبقوا هيك دائماً.

١١. إذا حطيتوا جزدان على الأرض، صاحب الجزدان بأفلس.

١٢. إذا وقعتوا الأكل على الأرض، الشيطان بيلحسون وما لازم تأكلهن.

١٣. إذا كنت بتبتلعوا بذر البطيخ، حتكبر بطيخة بمعدتكن.