١٠ طرق بتلمح فين الإم اللبنانية إنو صار لازم تجيبي ولاد

ان كنتي صبية، أو ان كنت شب، إمِك/ إمَك رح تتصرف نفس الشي وتبلش تنطر لتجيبو ولاد من يوم حملها هي. رح نفرجيكن بهالمشاركة ١٠ طرق غير مباشرة بتستعملن الإم اللبنانية مع ولادا لتحمسن يجيبوا ولاد بسرعة وما ينطروها كتير:

١- كل ما تعلمِك شي جديد، بتختما بجملة: "بكرا بتعملو هيك لولادكن".

٢- بتصير بتخليك تقري إشيا عن كيف بتكون الترباية المزبوطة.

٣- بتفرجيكي الإشيا الغالية يلي ضابتها بخزانتها ويلي رح تصير إلك بس لما تتزوجي أو تولدي.

٤- بتضل بتخبرك إنا بمعمرك كانت جايبي تلت ولاد وما كان في حدا مين يساعدا.

٥- كل مرة بتنعزم فيا ععرس حدا من رفقاتك، بتقلك: "برافو عليا!"

روقيها. ما بدا حرق كل هالأعصاب.

٦- كل عيد ميلاد بتقلك: "انشالله سنة الجاية بشوفِك مع ولاد يا رب! "

٧- بتاخدك معا عالسوبر ماركت لتعلمك كيف بنقوا البتنجان عالأًصول.

٨- بتلمح إنو عبالها تحوّل غرفتك لصالون تاني أو نادي رياضي

٩- كل مرة بتمرض بتسمعك نفس الأسطوانة الحزينة: "أنا عم بكبر، أي متى بدي شوف ولادك؟"

سؤال عميق بالفعل وبدو كتير تفكير.

١٠- لما تكونوا سوا بقعدة ويكون في حدا جايب ولد أو خاطب عن جديد، وتسمعن عم بقولولك: " عقبالك"، بترد عالعالي: "إيه قلولا، مش ناوية تجيب أحفاد؟"

ترجمة: رنا قاروط