عبارات بيستخدمها اللبناني بحياته اليومية

عبارات كتير ستعملناها ومنستخدمها يمكن ما منعرف من وين اصلن اجت او كيف انشهرت. بس الحلو بالموضوع انه اللبناني بحب يعلق على كل شي بشكل إيجابي اكيد خاصة اذا صار الموضوع بنكتة او مزحة او زناخة.

شوي عبارات عم نتذكرها معكم انشهرت واستعملها الشعب وصارت محط كلام عند البعض.

١. ابنك حمار يا ثريا

انه ذكي الصبي بس حمار… جملة من مسرحية لزياد الرحباني بس ينجاب سيرة النجاح او السقوط دغري بروح فكرنا لهل جملة.

٢. أنا بخاف من الكلب يطلعلي أسد

مين فينا مش حاضر مسرحية من مسرحيات عادل الامام ومحط كلام كتير من لبنانيين مأخودة من مسرحياته.

٣. بتحب تعرف أسم المختار

دعاية لبنانية بحت كان المقصود فيها انه الصبي عم يسأل كتير أسئلة والأستاذ عصب منه وهيك بصير مع بعض اللبنانية الحشريين.

٤. يس ٣ ب ١

دعاية الطفولة فينا نسميها، وكل ما حدا قال رقم ٣ بتخطر على بالنا الدعاية.

٥. ديجنتاري طق

هل دعاية كان معها غنية كمان انحفظت.

٦. بطيء

مش بس الانترنت بطيء … كمان بس حدا بدو يعمل شي صار بيتعلق عليه بكلمة بطيء.

٧. مشاوي والشباب

شو عاملين؟ مشاوي والشباب هيك الكل صار بجاوب قبل ما يعطيك الجواب يلي لازم تعرفه.

٨. بالنسبة لبكرا شو؟

غير انها اسم مسرحية لزياد الرحباني كمان هل جملة صارت محط كلام اللبنانية.

٩. Redbull بيعطيك جوانح

عن هضامة استملوا هل عبارة ويلي قلدها وصار يطير متل الدعاية.

١٠. مش عاملي عشا؟

كل يوم دليفري، مش طالبي دلفري؟ في أهضم من جورج خباز لحتى نستعمل عباراته؟