تعرفوا عالجبنة اللبنانية التقليدية يلي مهددة بالاختفاء

القنبريس أو السردالي (يلي كمان تعرف باسم لبنة الجرة) هي وحدة من أقدم وأندر أنواع الألبان والاجبان بالعالم، وهلأ معرضة لخطر الانقراض.

منتج مناطق معينة بالبقاع والشوف، هيدي اللبنة (أو الجبنة) مصنوعة من حليب الغنم، وعملية إنتاجها بتستغرق ما يقارب الستة أشهر.

عمر هالمنتج التقليدي أكثر من ٢٠٠٠ سنة. وفي طريقة كتير دقيقة لصناعته: بتستعمل جرة طينية مخصصة وبتنقع بالماء والملح الخشن لمدة شهر تقريبًا قبل ما تنملئ بحليب الغنم. بتتم هالخطوة بشهر مايو لأن بكون بوقتها الحليب أكثر كثافة. بعد ١٥ يوم، بيتصفى الماي الزايد من الجرة، وبينزاد حليب طازج بشكل متكرر حتى منتصف سبتمبر لما بتم تغطيته بقطعة قماش قطنية. بعد شهر، بينشال القنبريس وبكون جاهز للأكل.

هالأيام، في عدد قليل كتير من المنتجين لهالجبنة بالبقاع بسبب تكلفة الإنتاج المرتفعة. بعض العوامل يلي بتمنع من مواصلة إنتاج القنبريس هي: عدم توفر الجرات المناسبة يلي عندها مسام وبتسمح لعملية التخمير، والمدة الطويلة لإنتاج كميات صغيرة من القنبريس، والمخاطر يلي بترافق استخدام الحليب الغير المبستر.

على الرغم من أنها ما بتناسب أنماط حياتنا الحديثة السريعة، ما فينا نتجاهل الأهمية الثقافية للأكل.

شي مرة جربتوا القنبريس؟ خبرونا إذا بتحبوها بقسم الcomments. إذا حابين تعرفوا وين فيكن تلاقوا هالمنتج، تواصلوا مع The Food Heritage Foundation.