أجمل مدن الملاهي بلبنان

ما في أحلى من أوقات اللعب والمرح والتسلية ومين منا ما بحب يرجع ولد صغير كل ما يشوف مدينة ملاهي، رح نعرفكن على كم مدينة ملاهي موجودة بلبنان لتلعبوا وتستمتعوا وتعيشوا المغامرة.

١. دريم بارك:

بهالملاهي رح تلاقوا مزيج من الطابع القديم والطابع الجديد وبيتوفر فيها ألعاب للصغار والكبار بالإضافة لوجود محلات لتحتفلوا بأعياد الميلاد.

العنوان: ذوق مصبح

٢. عالم المرح:

من اسمها هي عالم من الألعاب ووسائل الترفيه للكبار والصغار وبتضم بالإضافة لهالألعاب مطعم مغلق صيفي وشتوي وتراس وسناك خارجي.

العنوان: صيدا

٣. صور بارك:

بتضم صالة ألعاب داخلية وألعاب جديدة للأطفال وحلبة كارتينغ كبيرة وكافتيريا وسناك لتستمتعوا وتعبوا وقتكم.

العنوان: صور

٤. لونا بارك:

بقلب العاصمة بيروت وخصوصاً عالبحر بتلاقيكن لونا بارك يلي تعتبر من تراث بيروت ويلي بتضم عدد كبير من الألعاب بالإضافة لوجود بعض المقاهي حدها.

العنوان: بيروت – المنارة

٥. بيراك بارك:

المشوار على الباروك ولاأجمل بوجود هالمدينة الحلوة يلي بتخليكن تستمتعوا فيها بالإضافة لوجود حلبة كارتينغ واسعة.

العنوان: باروك

٦. دون غاسيا بارك:

ليلعبوا أطفالكن ويتسلوا ويحتفلوا بأعياد ميلادهم ما الكن غير هالمكان يلي بقدم أحلى أجواء للفرح والتسلية والإستمتاع.

العنوان: الدورة

٧. فانتزي وورلد:

يلي بميز هالمكان غير انها موجودة ببيروت هو وجود أحدث وأجمل الألعاب فيها بالإضافة لوجود مطعم بداخلها.

بيروت- طريق المطار