١٠ مواقف أكيد بتتفهمها إذا عندك منخار كبير بلبنان

كلنا منقول إنو الشكل الخارجي ما بهم بس للأسف هاي مش دايماً الحقيقة. بلبنان الكل بضل مزبط حالو ومعظم الناس بيعرفوا حكيم تجميل أو عاملين شي عملية صغيرة عالخفيف، خاصةً لل منخار. هاي ١٠ اشياء بتعرفها كتير منيح إذا كبرت بمنخار كبير بلبنان.

١. ما بتصدق لما حدا يقلك إنو منخارك حلو، مين دافعلك؟

٢. دايماً منخارك مصدر نكت ومزح، وكلو بايخ وسامعه ألف مرة

٣. كل كلمة حلوة بتسمعها بيلحقها "بس لو منخارك أصغر"

٤. موسم الرشح هو الأصعب شي، يعني منخار كبير وأحمر ومسكر؟ كتير هيك

٥. العالم بتقترح عليك انك تعمل عمليات تجميل كانها حبة بونبون

٦. صرت بتعرف كيف تتصور حتى ما يبين منخارك كبير

٧. ال-selfie وكل شي صور عن قريب مش الك، تقبلت هل شي من زمان

٨. بعدك ما بتعرف من وين اجا منخارك الكبير لأن كل العيلة منخارن زغير

٩. العالم بتنصدم بس تعرف إنو ما بدك تساوي منخارك ولا تعمل عملية

١٠. بحال ما معك خبر إنو منخارك كبير، ما في حدا بتعرفوا إلا ما بذكرك إنو منخارك كبير