لقينا أجمل مطاعم عاليه

مين منا ما بيعرف عاليه أو “عروس المصايف” متل ما بسموا، هالمنطقة السياحية يلي فعلاً بتلاقي فيا كل شي من الأسواق القديمة للمطاعم والمنتزهات والملاهي وغيرا وغيرا.

والي ما بعد ما بيعرف شوفي في مطاعم بعاليه اليوم رح نعرفو، فيلا نكتشف بعض أشهى المطاعم:

١.مطعم الفانوس:

بهالمطعم الي موجود على تيراس سنتر عاليه فيك تستمع بالإضافة للأكل الشرقي الشهي بقعدة بطل على مدينة بيروت كلا، يعني منظر خلاب خاصة على الغروب.

٢. ذا متي فاكتوريThe Mate Factory:

مطعم ذو طابع خاص العديد من الأطباق الشرقية والغربية والي بميزو تقديمو لمشروب المتي على إصولا وغيرا من المشروبات وما بدنا ننسى الأرغيلة.

٣.مطعم القصر:

بشارع بيسين عاليه بيوقع مطعم القصر المبني من الحجر الصخري والمزين بالقناطر والقرميد. هالمطعم مختص بتقديم المازة اللبنانية على اصولا وكمان بيتميز بوجود صالة كبيرة للأعراس وأكيد، لقعدتو المطلة.

٤.مطعم الكوخ:

هالمطعم مشهور بعاليه مش بس لأطباقو الشهية إنما لحفلاتو الموسيقية الدايمة بكل عيد ومناسبة و ويكآند، يعني ببساطة فيكن تاكلو أكل طيب وتستمتعو بأجواء وحفلات رائعة.

٥. شاورما الصفا:

مطعم شاورما صغير مشهور بعاليه بقدم أطيب سندويشات شاورما ممكن تذوقوا إذا كنتو حابين تتغدو عالسريع.

٦.مطعم قريدس:

مطعم الأكل البحري المشهور كمان إلو فرع بعروس المصايف، يعني فيكن اذا اشتهيتو المسك وثمار البحر تقصدو بعاليه.