أهم النساء اللبنانيات يلي منفتخر فيهن
كتير من النساء اللبنانيات قدروا بفضل مثابرتهم وكفاءتهم يرفعوا اسم لبنان بالعالي، اليوم بهالمقال رح نخبركن عن عدد من هالنساء اللبنانيات يلي منفتخر فيهن وبإنجازاتهم.
ريا الحسن أول مرأة بتتعين وزير داخلية بلبنان والعالم العربي. بلشت وظيفتها بإمتياز وقدرت بشهر تشيل كل بلوكات الاسمنت لي بتسبب عجقة بطرقات بيروت وتبلش حديث عن الزواج المدني
ليندا مطر: هي رئيسة جمعية حقوق المرأة، ناضلت أكتر من ٤٠ سنة كرمال حقوق المرأة ومساواتها مع الرجل وأسست العديد من الهيئات الداعمة لهالحقوق.
نادين لبكي هي مخرجة وكاتبة وممثلة لبنانية وصلت للعالمية بفيلمها كفرناحوم لي ترشح لجائزة الأوسكار والغولدن غلوبز
بولا يعقوبيان هي نائب بالبرلمان اللبناني قدمت خطاب بيطال كل لبناني بالبلد. إستمراريتها على محاربة الفساد والمحارق خطوة مهمة تجاه الاصلاح بالبلد
كابتن رولا حطيط أول قبطان طيران بشركة الميدل ايست من ١٨ سنة. قدرت تنقبل من بين ٢٠٠٠ تلميذ.
ريان مسللم صحافية رياضة اجتاحت شاشات التلفزيون بكل بيت لبناني خلال فترة كأس العالم بحضورها على ستوديو تيلي ليبان
جويس عزام أول امرأة لبنانية تسلقت ٢٦ قمة بالعالم وإشتركت بتحدي السبع قمم. خلصت ٦ من أصل ٧ قمم وراح تتسلق مونت افرست بنيسان ٢٠١٩
منال عيسى ممثلة لبنانية سرقت الأضواء بمهرجان كان السينمائي لما حملة لافتة مكتوب علي “اوقفوا شن الهجوم على غزة”
جومانا حداد كاتبة وصحافية وناشطة لبنانية بتدافع عن حقوق الأقليات والحريات بلبنان. ترشحت للإنتخابات وعندها برنامج حوار خاص فيها، واجتاحت عناوين الأخبار لما عقدت زواج مدني بالصيف.
