أنواع الأشخاص الصايمين برمضان

بلش شهر رمضان المبارك وبلش الصيام وخلال هالشهر رح تلتقوا بكتير شخصيات، تعو نعرفكن عليهن.

١. النوع يلي كل ما تطلب منه شي يعملو بقلك مافيي صايم يعني عذرو الوحيد هو الصيام.

٢. في النوع يلي بنام من الفجر للمغرب وبيوعى عالإفطار وآخر شي بقلك كان نهار طويل ومتعب.

٣. في الأشخاص يلي بينسو انهن صايمين وبس ياكلوا أول لقمة بالغلط بيتذكروا انو صايمين.

٤. الصايم يلي بضل معصب وما فيك تحكي معو كلمة وما بتبين ضحكتو غير عضربة المدفع.

٥. في الناس يلي بيبقوا طايرين من السرعة قبل الإفطار خايفين يضرب المدفع قبل ما يوصلو.

٦. في نوع لما يعصب كتير بقلك “صرلي من الصبح صايم ما تخليني افطر عليك”.

٧. في يلي بيبقى عمبموت كل النهار وبضل ينق عالجوع والعطش.

٨. في النوع يلي كل الوقت بكون مشتاق للأكل وما بروح عليه صورة فيها أكل وكل حكيو بكون عن الأكل.

٩. في نوع غريب عجيب بيشرب قبل دقيقة من آذان الفجر وبس يأذن بقلك عطشت.

١٠. الصايمين يلي ما بيتأثروا لو أكلت قدامن خروف آخر همن.

١١. وفي الناس يلي مكملين نهارهن طبيعي وبروحوا بركضو وبضيعو وقتهن بالجيم.

١٢. في الأشخاص يلي بيجبروك تبلش افطارك بتمرة وماي وانت بتكون مش مصدق تبلش بالأكل.