٨ كافيهات ببيروت خرج كنكنة

كمشوا حبيبكن/حبيبتكن أو بس نفسكن مع شي كتاب أو صديق وتوجهوا على واحد من هالمحلات المهضومة!

للعنوان ورقم الهاتف، اضغطوا على إسم المحل.

١. The Coffee Room

ما فينا نحكي عن الكافيهات المهضومة من دون ذكر The Coffee Room. بيتخصص المقهى الاستثنائي بتقديم الحب والقهوة والحلويات (الثلاثي المثالي)، وبيشتهر بتصميمه الساحر والديكور المبهر. حتى إنو عندهن غرفة “حب”!

٢. L’Autre Bistro

هالمطعم الجذاب موجود بواحد من أقدم المنازل المتبقية بشارع مخول بالحمرا. مع تصميم داخلي أنيق واكل كتير طيب، L’Autre Bistro بيوعدكن بتجربة فريدة من نوعها رح تخليكن تتذكروا الحب من أول جديد.

٣. Home Sweet Home

هيدا المحل الشتوي الحلو رح يخليك تدلل نفسك. أكيد لازم تذوقوا الحلويات والكاكاو لتكون تجربتكن مثالية.

٤. Aaliya’s Books

جوهرة بمنطقة الجميزة مثالية لتمضاية الوقت مع حبيبك، ولمحبي القرأة، فيكن تلاقوا كمان كتب بهالمكتبة المهضومة.

٥. Café Des Fleurs

مع قهوة طيبة خبز طازج، المقهى هو المكان المثالي لشوية هدوء و راحة. على الشرفة رح تلاقوا زهور وورود مزروعين، تأملوا فيهن وبوجه حبيبكن.

٦. Sip

فتشوا على المبنى الزهر الحلو بالجميزة، هونيك رح تستقبلكن ريحة القهوة يلي بتشق القلب. بيتميز المقهى بقعدته الحلوة وأكله الطيب.

٧. SmushKies

لأن ما في شي بيجمع شخصين قد مشاركة صحن كوكيز. تمشى على SmushKies في أي وقت من اليوم واستمتع بحلواياتهن الخيالية مع حبيبتك حدك.

٨. The High Llama

بيطل High Llama على حي هادئ بالأشرفية وهو شرح وحلو. بيتميز المقهى بتصميم داخلي بسيط وقائمة شهية وقهوة ممتازة، وبيستقبلك انت وأحبائك. ولاحلى قعدة، كونوا موجودين وقت الغدا.