١١ فنان غنوا لولادهم

كتار من الفنانين عملوا أغاني خصوصة لولادهم قدام وجداد.

١. الشحرورة صباح

دي حبيبة أمها هل غنية نعملت خصيصا وتمثلت بفيلم لبنتها هويدا… جمعت فيها صباح جمال وسحر بنتها من بعد ما كبرت.

٢. نوال الزغبي

“يا تيا نورتي هالبيت” معظمنا كبر مع هل غنية يلي بتمس المشاعر بتحس للحظة انه تيا بنتك او اختك خاصة انه نوال ادتها بإحساس أكتر من رائع.

٣. ميريام فارس

«غافي»، وبينت ميريام بالكليب مع أبنها “جايدن” وبعدو طفل صغير، الفكرة كانت جديدة ومجنونة متل ما عودتنا ميريام بمسيرتها الفنية.

٤. نانسي عجرم

أول غنية كانت لبنتها “ميلا”، اسمها “يارب تكبر ميلا”، وكانت بهل وقت كانت حبلة ببنتها التانية، ومن بعدها غنت “يا بنات يا بنات”.

٥. كارول سماحة

يلي هديت كمان غنية لبنتها “تالا” من خلال موقعها الرسمي على YouTube.

٦. أصالة

الفنانة السورية أصالة كان عندها غنية خاصة قدمتها لتؤمها «آدم وعلي»، المهضوم انها صورت عيد ميلادهم الأول على طريقة الفيديو كليب.

٧. قمر

رغم خلافها مع زوجها كرمال نسب طفلها، بس قدمت قمر غنية خاصة اسمها “إنت قمري”.

٨. عمرو دياب

الفنان المصري عمرو دياب كان عنده تجربة غنائية لبناته “جانا وكنزي” وقدم لكل وحدة فيهم غنية على طريقته الخاصة.

٩. تامر حسني

رغم انه ما ظهر بناته على الأعلام، “تاليا وأمايا” الا انه نجم الجيل تامر قدم لبنته الكبيرة غنية.

١٠. ملحم زين

“يا علي” غنية لابنه علي يلي من كتر الفرحة اول ما ولد عمله غنية باسمه.

١١. فيروز

“يلا تنام ريما” لبنتها ريما الرحباني والحلو انه الغنية نزلت بفيلم “بنت الحارس” .