عرسان جداد إحتفلوا بسيخ شاورما بدل قالب الجاتوه

يا هيك الحب يا بلا!

إيلي وبترا قضوا سنتين من حياتن عم يخططوا ليوم عرسن، بس بسبب إنتشار فيروس الكورونا اضطروا يلغوا كل شي بآخر دقيقة ويحتفلوا مع عيلتن المصغرة.

بس كرمال ما يروحوا هاليوم الحلو بحياتن، طلعوا بالسيارة وكفوا عند مطعم أبو العز عالدكوانة، وهونيك قصوا سيخ الشاورما بدل قالب الجاتوه.

وأكيد تسلوا بكم سندويش شاورما مرتب وزيادة ثوم.

هيدا يمكن أحلى عرس نحنا سامعين في، وانتو؟