دير الأمراء: اوتيل و مطعم ساحر بقلب الشوف

التاريخ والتراث بيجتمعوا بهالمحل المميز يلي بخليكن تزوروا الماضي وتستمعتوا بالحاضر بنفس الوقت.

عم نحكي عن دير الأمراء، مكان تراثي صار اوتيل من بعد ما مرق بكتير مراحل من التاريخ.

تأسس دير الأمراء سنة ١٨٢٧ وكان قصر للمير بشير II. بعدين صار مكتب ومسكن لمستشاره الرئيسي بطرس كرامة قبل ما ينفنوا تنيناتن سنة ١٨٤٠.

ومن وقتها، القصر تحول لمدرسة داخلية، بعدين مركز إجتماعي، بعدين مدرسة رسمية، واليوم صار اوتيل ومطعم بيستقبل اللبنانية والسواح من جميع أنحاء العالم.

على مدى السنين، حافظ دير الأمراء على هندسته التراثية وديكوره المميز التاريخي. واليوم هو مثال حي عن تاريخ لبنان بكل تفاصيله وكل زاوية وحجرة فيه بتخبر قصة.

إذا حابين تكتشفوا أكتر عن تاريخ لبنان وتاريخ هيدا القصر بالذات، لازم تزوروا دير الأمراء.

فيكن تقضوا ليلة هونيك أو حتى بس تتغدوا وتفلوا.

للحجز، اتصلوا على ٧١١١٩٩٣٥ أو ٠٥٥١١٥٥٧.