سندويش مغربية لازم تجربوه بلبنان

مين فينا ما بحب المغربية؟ 

بعتقد كلنا فينا نتفق انها من أطيب الأكلات يلي إنعملت، وخاصة لما تاكلوها بالبيت بعد نهار طويل. 

طب كيف إذا قلنالكن إنو في إختراع بيتضمن أكلتكن المفضلة وبيعملها أطيب كمان؟ 

عم نحكي عن سندويش المغربية المشهور بطرابلس يلي بتلاقوا عند الدبوسي، أو ملك المغربية. 

إسم على مسمى.

الدبوسي مشهور بسندويش المغربية يلي بيعمله بأسواق طرابلس القديمة.

خبزة عربية فيها مغبرية وكبيس وحر، وكلها عبعضها بتكلف 2,500 ليرة.

شهيناكن ولا بعد؟

ضروري تطلعوا عطرابلس قريباً وتجربوه، ما بتندموا. صحتين!