ما في شي بالدني أطيب من الحلو! إن كان حلو شرقي أو حلو غربي، أنا أكيدة كل حدا فيكن مغروم بالحلو رح ينسى كل شي إسمه دايت لما يشوف هالقد شي طيب قدامه.
إذا كنتو من هالناس وعم تسألو عن مطارح بلبنان بتقدم أطيب أنواع الحلو، تعو برمو معنا لتتعرفو عهال10 مطارح لتروحو تتحلو عندن:
Smushkies – مار مخايل
مش بس الطعمة طيبة كمان الشكل ولا أروع! إذا عندكن عيد ميلاد أو أي حفلة تانية، مننصحكم تجربو هالمطرح لبقدم السماشكيز، والغاتو، والبوظة، والكوكيز وكتير حلويات تانية ما رح تقدرو تقاوموها.
Poffertjes – صيدا
إذا مارقين بصيدا وعبالكن شي حلو، مننصحكم بهالمحل الكتير طيب.
هالمطرح معروف وفي منه وين ما تفتل بلبنان. مشهور بالكريب لعنوتيلا وكيندر فإذا عبالك شو ناطر بعدك؟!
The Conut Bakery – شارع بليس حمرا
هالمطرح بقدم قهوة وكايك مدخن وأكتر شي مشهور بالكونات الكتير طيبة.
Ahmad Aouni Hallab – شارع الجنرال ديغول
هالمطرح مشهور بالحلو الشرقي وخاصة البقلاوة.
في إله كتير فروع بكل مناطق لبنان تقريبا. إذا عبالكن كنافة ما دايقين منا بحياتكم، مننصحكم تجربو هالمحل.
Gustav Innovation Sucree – حمرا
إذا كنتو ما بتحبو الحلو رح تصيرو مغرومين فيه من ورا هالمطرح!
في إله أكتر من فرع بلبنان: حمرا، سفير، صور، النبطية وبالسيتي سنتر بيروت! بقدم حلويات غربية طيبة كتير مننصحكم تجربوه.
Casa Del Gelato – أشرفية
إذا مارقين من الأشرفية وعبالكن تاكلو من أطيب البوظة بلبنان ضروري تجربو هالمطرح.