٦ أكلات لازم تجربوها بالبترون

البترون هي من أقدم المدن بالعالم، ووحدة من أجمل المدن الساحلية بلبنان. يمكن بدك بضعة أيام لزيارة كل المواقع الحلوة، بس لما تكونوا بالمنطقة لازم تجربوا هال ٦ أكلات.

١. المطعم يلي بقدم محار

Oyster Bar للمأكولات البحرية هو جوهرة صغيرة مخفية بالميناء. كل شي طيب عنده بس خصوصي الكالامار، الحبار، والبطاطا المقلية.

٢. أطيب سندويشات سمك

فيكن تلاقوا أطيب سندويش سمك أو أخطبوط عند مطبخ جورج معلوف! حبار، قريدس، كالاماري، وغيرهن مع تتبيلة طيبة وبأسعار معقولة. اشتروا السندويش وتمشوا بالسوق.

٣. الليموناضة

ما في شي بيوحي بالبترون قد كباية الليموناضة الطازة. بيقدم محل حلمي بعض من أفضل المشروبات، وكلها مصنوعة من مكونات طازجة وطبيعية. كمان بتلاقي عندهن الآيس كريم يلي ما بتحتوي على أي مواد حافظة.

٤. قطعة بيتزا من هالمحل الملكي

Royal’s Pizza هو مطعم للوجبات السريعة وفرن، بتلاقي عنده بيتزا لبنانية كلاسيكية مع بطاطا مقلية – من أطيب الوجبات بعد يوم طويل على البحر.

٥. مآدب المأكولات البحرية!

Bistr’eau هو مطعم بطل على الميناء بالبترون w بقدم المأكولات البحرية الطازجة مع مازة لبنانية بتاكل أصابيعك وراها.

٦. ما فينا نحكي عن البترون من دون …

ما نجيب سيرة مطعم جمال! تأسس سنة 1981، وبقدم المأكولات البحرية الطازجة مع مجموعة متنوعة من المقبلات الباردة والساخنة والسلطات. موجود بخليج صغير على شاطئ البترون، وفيكن تسبحوا وتاكلوا!