٨ تعليقات بيسمعوهن بس القصار

بمجتمعنا كتير منعلّق عبعض بمزح. إن كان عالشكل، أو عطريقة اللبس، أو عأي شي تاني، دايما رح تلاقي حدا من أصحابك أو من عيلتك عم يتسآل عليك عشي. ومن بين هالتعليقات، دايما في حصة للناس القصار.

التعليقات لبتنقال للقصار ما بتخلص… نقينالكن ٨ أكيد سامعينن من قبل إذا كنتو من جماعة القصار. وإذا إنتو من جماعة الطوال، أنا مأكدة قايلينن لحدا قصير عالقليلة مرة بحياتكم!

١. “كيف الطقس تحت عندك؟”

٢. “نيالك ما بتنوجع إذا وقعت”

٣. “رح وطّي لصير بطولك”

كل ما تقرر تاخد سلفي أو حتى صورة عادية مع حدا طويل، رح تسمع هالجملة!

٤. “قف لي قاعد؟”… “مين قلك قاعد؟”

٥. “بجبلك سلم لتطال؟”

٦. “أكتر شي بحبو فيك إنو فيني إسند ايدي عكتفك”

ما بعرف مين قايل للطوال إنو القصار مسند وإنو فيهن يحملو تقل!

٧. “ما ضروري تحجز تيكيت للسفر… بتساعي بالشنطة برياحة”

٨. “لمّيلي تلفوني عن الأرض أنت أقرب”