حدا آكل كنافة على الصاج؟ جربوها هون

كنافة بالكعكة، كنافة بخبر أفرنجي، كنافة بكرواسون، أو كنافة بس مع قطر، كلهن بشههوا وهلأ لقينا طريقة جديدة ناكل فيها كنافة.

هيدا الإبتكار الجديد هو إختصاص محل Chocuit بمنطقة جونيه. هيدا المحل معروف بالكرواسان، المناقيش، والحلو، وهلأ صار معروف بالكنافة على الصاج كمان.

بدل من الكعكة الكلاسيكية، بحط Chocuit قطعة الكنافة على شقفة عجين بتتحمص على الصاج. الجبنة بتدوب والعجينة بتصير مقرمشة، ولا أطيب.

وكمان لأن ما فينا ما نزيد حلو عالحلو، فيكن تحطوا أوريو، نوتيلا، زبدة الفول السوداني، وشوكولا على الوجه.

جربوها وخبرونا شو رأيكن.