١٠ مواقف بيفهمها كل لبناني ما بيحكي فرنسي

اللبناني معروف عالمياً إنو بيحكي ٣ لغات، وأشهر جملة بيقولها هي “هاي كيفك سافا؟”. بس كمان في شريحة من اللبنانيين يلي مش مارقين من حد الفرنسي، وإذا انتو منن، يعني أكيد مارقين بهالمواقف.

١. إنت خيبة أمل لحضارة ال-٣ لغات بلبنان

يا عيب الشوم..

٢. بس تقول لحدا انك ما بتعرف تحكي فرنسي ويتطلع عليك من راس مناخيره

بتحس حالك قاتله بيه أو أمه.

٣. لما حدا يعطيك رقم تيليفون أو سعر بالفرنسي

فبتصفن في ليخلص وبتخلي يعيد بلغة بتفهمها.

٤. العالم بتتوقع منك إنو تكون بتعرف لغة ثالثة لتعوض عن نقصك الفرنسي

إيطالي، الماني، إسباني، صيني، حييلا شي.

٥. أصعب شي لما تكون بمطعم ومجبور تطلب شي إسمه فرنسي

متل ال pain perdu أو ال fondant. بتغير طلبك ولا بتقول هالأسامي عصوت عالي.

٦. جربت تتعلم اللغة لما كنت بالمدرسة بس ولا فاتت براسك

فآخر شي فقدت الأمل وبطلت تحضر الصف.

٧. حاطت انك بتحكي ” شوي فرنسي” على ال CV وإنت أنجأ بتقول بونجور

ادعي إنو ما يطلبوا منك بالشغل تحكي أو تكتب شي بالفرنسي.

٨. أكتر شي قايلو بالفرنسي هو comment tu t’appelles، وبتضل تعيدا

متل الكاسيت المعلق..

٩. لما يكون عندك قرايب عايشين برا وبدك تتحدث منن

لا هني بيحكوا عربي ولا إنت بتحكي فرنسي، وحلها إذا فيك تحلها.

١٠. أكيد شي مرة كنت قاعد مع ناس نسيوا انك ما بتحكي فرنسي وفتحوا حديث مع بعض

وإنت بتصير بيناتن متل الأطرش بالزفة.