اديه كان عمره ماكرون لما وصلوا السياسيين عالسلطة بلبنان؟

بقولوا العمر مجرد رقم، وهيدا المثل بيتطبق بسهولة على الزعماء بلبنان يلي صرلن أكتر من ٣٠ سنة بالسلطة وبعدن ما عارفين يديروا بلد وبدن مين يقلن شو يعملوا. ساقبت يلي عم بديرن حالياً هو الرئيس الفرنسي إيمانويل ماكرون.

وهون السؤال بيجي اديه كان عمره ماكرون لما زعماء لبنان إستلموا الحكم؟ خلينا نشوف سوا.

ماكرون خلق بكانون الأول، سنة ١٩٧٧.

١. رئيس الجمهورية ميشال عون

إستلم قيادة الجيش اللبناني سنة ١٩٨٤.

بوقتها، كان ماكرون عمره ٧ سنين.

٢. رئيس مجلس النواب نبيه بري

إستلم رئاسة مجلس النواب سنة ١٩٩٢.

بوقتها، كان ماكرون عمره ١٥ سنة.

٣. رئيس الحزب التقدمي الإشتراكي وليد جنبلاط

إستلم رئاسة الحزب بعد إغتيال والده سنة ١٩٧٧، شهر أذار.

بوقتها، ما كان ماكرون خلقان بعد.

٤. رئيس حزب القوات اللبنانية سمير جعجع

إستلم رئاسة الحزب سنة ١٩٨٦.

بوقتها، كان ماكرون عمره ٩ سنين.

٥. رئيس الجمهورية السابق وزعيم حزب الكتائب السابق أمين الجميل

إستلم رئاسة الجمهورية سنة ١٩٨٢.

بوقتها، كان ماكرون عمره ٥ سنين.

٦. رئيس تيار المردة سليمان فرنجية

إستلم رئاسة الحزب سنة ١٩٨٢.

بوقتها، كان ماكرون عمره ٥ سنين.