٥ مطاعم بيتزا لازم الكل يجربها بلبنان!

إذا كنتو بتفكرو متلي، أكيد بتكرهو تطلبوا من نفس المطعم كل مرة بيجي عبالكن بيتزا. هيدي ليستا لبعض من أطيب مطاعم البيتزا بلبنان!

١. ماماميا

هيدا أحسن محل لتروح عليه إذا كان عبالك كتير بيتزا متل تعيت البيت. ديكور المطعم الحلو بحسسك كأنّك ببيتك وحتى أصحاب المحل كتير مهضومين. في كتير أنواع بيتزا عندن متل الهاوايين، والستيك بيتزا، وأكيد ما بدنا ننسى الماماميا لفيها خضرا، ولحم خنزير، وجبنة.

العنوان: راس المتن

تليفون: ٢١٠ ٣٨٠ ٠٥

٢. بيتزا نابولي

كل يلي ربيو بالشمال بيعرفوا هيدا المحل كتير منيح! واكيد أمضيتوا أعياد ميلاد فيه مع البيتزا يلي بتاخد العقل.

العنوان: اميون

تليفون: ٣٥٥ ٩٥٢ ٠٦

٣. باي ذا سلايس

هيدا الكوخ البيتزا الصغير موجود بمطرح مخبّى بواحد من شوارع مار مخايل المعجوقة. متل إسم المحل، بتطلب بيتزا بالقطعة، وفيك تطلبا بفور شيز، أو بفطر، أو بببروني – الطعمة رح تاخدلك عقلك.

العنوان: مار ميخائل قرب شركة الكهربا

تليفون: ٧٧١ ٧٥٧ ٨١

٤. بيتزا جايز

المطعم مشهور بقطع البيتزا الكبيرة يلي بيعملها، بتتقدم بحجمين: ٣٥ و ٥٠ سم لإرضاء الكل. عجينته رقيقة وبتشهي ومكوناته كلها طازجة، فالنتيجة قطعة بيتزا من العمر!

العنوان: الجميزة

تليفون: ٤٤١ ٤٤٧ ٠١

٥. لا كاسا بيتزاريا

هيدا السناك بقدم كل أنواع البرغر والسندويشات والبيتزا يلي بتشهي، وكلها بأسعار كتير معقولة! كل وجبة بتجي مع كومة بطاطا مقلية وعنجد بتشبع. فيكن تطلبوا قطعة وحدة، أو بيتزا كاملة حجمها 30 أو 35 سم.

العنوان: عين الرمانة

تليفون: ٠٥٥ ٢٨١ ٠١