أطفال عم يلبسوا أكياس نايلون كحفاضات، لوين واصلين؟

انتشرت صورة على مواقع التواصل الاجتماعي لاطفال لابسين أكياس نايلون كبديل للحفاضات بسبب الأسعار الخيالية يلي عم تحرم كتير عائلات من ابسط الأساسيات.

أول مين نشر هاي الصورة هني “تياب العيد“، محل على برج أبو حيدر بقدم تياب وألعاب واغراض كتير ببلاش للناس المحتاجة، وبيستقبل تبرعات من كل الأنواع.

مع إنو تأسس هيدا المحل ب ٢٠١٧، كان عم بساعد عيل أكتر بأخر كم شهر بسبب الأزمة الاقتصادية. ومن الحالات يلي مرقت عليهن هي قصة الطفلين يلي لابسين أكياس نايلون بدل حفاضات.

مش مقبول إنو الناس تكون مضطرة تلاقي بديل لأمور بديهية بينما الزعماء عايشين حياة رفاهية، وساعاتن لحالها بتكفي إنو تطعمي عيل لبنان.

pic.twitter.com/CCj0fqY05N

— Hussein Bourji (@huseinbourji) September 11, 2020