شو مشاريعنا
٨ مشاوير حلوة مننصحكن فيها بلبنان
عبالكن تسافروا وتغيروا جو بس أكيد الوضع ما بيسمح؟ شوفوا هال ٨ رحلات يلي فيكن تاخدوها بلبنان:
١. تغدوا بمطعم تيليغراف ببحمدون
فندق ومطعم كتير مهضوم مع نبيذ كتير طيب، هيدا المكان المثالي لتهربوا من ضجة المدينة.
٢. زوروا معمل الحرير القديم بكفر متا
مصنع الحرير السحري المهجور محاوط بطبيعة وآثار.
٣. تغدوا بمطعم تلة نصر ببكفيا
استمتعوا بالهواء النقي وتلذذوا بجميع الأطباق يلي بقدمها هالمحل الحلو. كبة لقطين، بيض بقاورما، وغيرهن من الأكلات الشهية.
٤. إستكشفوا منطقة دوما الخلابة
معروفة ببيوت القرميد، الطقس الحلو، والشوارع القديمة، هالمنطقة رح تسحركن. للغداء، فيكن تزوروا بيت دوما يلي بقدم أكل تقليدي متل البطاطا المشوية، مغربية، كفتة، وغيرهن كتير. بس تأكدوا إنو تحجزوا.
٥. تمشوا على كورنيش صوفر
تفرجوا على كل الفيلل يلي بتاخد العقل واستمتعوا بالهوى النقي. ما تروحوا على حالكن زيارة إلى هوتيل جراند صوفر كمان، يلي مهجور بس لازم تشوفوه.
٦. ترويقة بمطعم تورنيسول ببيبلوس
على شرفة فندق Byblos Sur Mer هيدا المطعم بقدم وجبة إفطار مع فيو روعة بطل على القلعة والميناء القديمة والبحر. فيكن تختاروا بين ترويقة كونتيننتال أو ترويقة لبنانية على الاصول مع فول ولبنة ومناقيش!
٧. إستمتعوا بالطبيعة بدير تعنايل
أول ما توصلوا بتحسوا بالراحة بسبب هدوء المكان وصوت الطيور وإمتزاج الهندسة الاثارية مع الطبيعة الخلابة. دير قديم من أيام ١٨٦٠ مع بحيرة ومطعم.
٨. انذهلوا بدير النورية بحامات
محل روعة لتهدوا أعصابكن وتريحوا راسكن. الفيو والجو خيالي.
المحتوى الأكثر قراءة
دعاية مهضومة لفروج العبدالله عم تسبب بلبلة على الفاضي
٠١ يوليو ٢٠٢٤
أكتر من 20 تغريدة مضحكة عن ملكة جمال لبنان 2024
٢٨ يوليو ٢٠٢٤
شروق زوجة دكتور فود أعلنت إنها حامل!
٢٩ أكتوبر ٢٠٢٤
أخيرا، رجعت الباصات العمومية بلبنان!
١٢ يوليو ٢٠٢٤
٧ ملكات جمال تزوجوا من مشاهير وفنانين بلبنان
٢٠ مايو ٢٠٢٤
