أحلى مناطق تزوروها بالبقاع

قد ما نقول البقاع حلو ما بكفي وقد ما نعد ونخبركن عن أماكن فيكن تزورها لتستمتعوا بجمال هالمنطقة الرائعة ما منخلص، تعوا نكتشف بعض الأماكن يلي ممكن نزورها بالبقاع.

١. نهر العاصي:

في عدد من المطاعم المطلة عنهر العاصي يلي بتوفر قعدات حلوة بالإضافة لمحبي الرافتينغ فيكون تعملوها وتستمتعوا فيها بالعاصي.

٢. عنجر:

فيكن تزوروا أجمل قلعة أثرية بعنجر وتزوروا مطعم الشمس يلي يعتبر من أشهر المطاعم الموجود بعنجر وبالبقاع.

٣. نهر البردوني:

ما في أجمل من زحلة ونهر البردوني والإستمتاع بأطيب مازة زحلاوية لبنانية على ضفاف البردوني.

٤. قلعة بعلبك:

بعلبك مدينة الشمس المعروفة بقلعتها وهياكلها الرومانية.

٥. معمل كسارة:

فيكن تزوروا معمل كسارة الموجود بزحلة وتتذوقوا أطيب نبيذ لبناني.

٦. بحيرة القرعون:

شو حلو الرواق ببحيرة القرعون والأحلى هي الكزدورة بالقارب فيها.

٧. تعنايل:

فيكن تستمتعوا بأجمل الأنشطة بتعنايل متل ركوب الخيل والمشي والإستمتاع بالطبيعة الحلوة ومشاهدة أجمل بحيرة وركوب الدراجات الهوائية.

٨. طاولة عميق:

هالمطعم موجود بمنطقة عميق، وبقدم أطيب المأكولات اللبنانية القروية البلدية.

٩. كاسكادا مول:

لمحبي التسوق هالمول بوفرلكن عدد كبير من المحلات يلي بترضي كل الأذواق بالإضافة لوجود بعض المطاعم.