جنة على الأرض، تعرفوا على منطقة شوان اللبنانية

بتلاقوا بحيرة شوان على ضفة نهر ابراهيم بجبل لبنان.

وادي شرح، بحيرة زرقة بتاخد العقل، وجبال خضرة كأنها مرسومة. هالمنطقة مش متل أي منطقة تانية بلبنان وسعر الدخولية ١٠ الآف ليرة.

لتوصلوا على هالموقع الخيالي، لازم تمشوا على الأقدام لأن السيارات ما فيها توصل، بتصفوا على راس التلة وبتنزلوا مشي (تقريباً لمدة ساعة) حتى توصلوا على البحيرة. هونيك فيكن تسبحوا، تعملوا بيكنيك، أو بس ترتاحوا!

هيدا الطقس الخريفي هو الميثالي لتاخدوا هالرحلة لأن الطقس معتدل.

ضبوا معكن شوية أكل واستعدوا لمغامرة رح تتذكروها لمدى العمر!