بيت الجبل: فندق ومطعم بياخدوا العقل بالشوف

جمعوا أصحابكن وأحبابكن وتوجهوا إلى منطقة الشوف يلي بتاخد العقل، إلى دير القمر بالتحديد. بهالبلدة يلي معروفة بتاريخها العريق ومناظرها الخلابة بيت ضيافة صغير لازم تزوره.

بيت الجبل إسم على مسمى. بيت قديم مصنوع من الحجر التقليدي، مع ديكور ولا أحلى وفيو ساحر.

بهيدا البيت عدة غرف، كلهن شرحين وحلوين. جنينة مهضومة بإنتظركن حتى تنسوا كل هموم العالم. وأكيد مطعم بقدم أشهى الأطباق اللبنانية والعالمية.

بتفيقوا على صوت العصافير ومنظر الخضار يلي حواليكن، تنشقوا الهوى النقي وتوجهوا إلى الترويقة يلي ناطرتكن.

ويلي مش قادر ينام، بيت الجبل بقدم غداء بوفيه مفتوح كل سبت وأحد بسعر ٧٠ ألف ليرة على الشخص.

وكمان حتى نزيد الأخبار الحلوة، بيت الجبل عامل عرض خاص لحد ١٥ ديسمبر – ٥٠٪ حسم على الغرف!