في كافيه بلبنان مستوحى من مسلسل فريندز وكتير بياخد العقل

لمحبين مسلسل فرندز الأجنبي، لقينالكن محل بيشبه الكافيه ييلي كانوا يقضوا في كل وقتن الشخصيات.

Unicorn Coffee House كافيه بتاخد العقل موجودة بمنطقة برمانا على الطريق العام.

بتتميز بديكروها وقعدتها يلي كتير بيشبهوا سنترال بيرك، الكافيه المشهورة من مسلسل فريندز.

Unicorn Coffee House مستوحاة من المسلسل وجربوا يعملوا قعدة على هيدا النسق. وقدروا يجيبوا الكنباية يلي كلنا منعرفها من المسلسل.

غير الديكور، الكافيه كمان بتعمل قهوة كتير طيبة، وحلويات بتشهي، وعندن تشكيلة كورن فليكس من إلي قلبكن بحبها.

أجمل وقت تزوروا هيدا الكافيه في هو هلأ، لما يكونوا حطوا زينة الميلاد والاجواء عندن عنجد ما بتتفوت.

جربوها وخبرونا شو رأيكن! وكمان سلمولنا على راشيل، روس، مونيكا، جوي، تشاندلر، وفيبي!