كتف الوادي: أطيب أكل وأجمل قعدة بجرجوع

عبالكن قعدة مميزة بجنوب لبنان؟

خلينا نعرفكن على مطعم كتف الوادي، موجود بضيعة جرجوع إلي هي من أجمل القرى بالجنوب.

مثل ما بقول إسمه، هيدا المطعم موقعه على كتف الوادي، يعني بتمبسطوا بنسمة هوا كتير حلوة ومنظر ولا أروع.

وعلى قد ما قعدته وموقعه حلوين، على قد ما ديكوره مميز. كله خشب وتحف عتيقة، بتحسوا حالكن عند بيت جدكن قد ما مهضوم!

أما أكله، فعنجد لا يعلى عليه.

بقدم مطعم كتف الوادي كل أنواع المازة والمشاوي، وعنده بيتزا على الحطب رح تاكلوا أصابيعكن وراها.

إذا عبالن تجربوه، تأكدوا إنو تدقوا وتحجزوا قبل على ٠٣/٠٧٥٦٢٩

صحتين!