١١ تلطيشة سامعتها كل بنت لبنانية

أكيد كل بنت سامعة هالتلطيشات شي مرة بحياتها من شب:

١. “أول مرة بحكي مع حدة هلقد.”

لما تحكي بعد الساعة ٩.

٢. “كتير رتحتلك”

الله ينجينا.

٣. “عنجد انك بتفهميني.”

لما تتفقوا ع أقل شي.

٤. “بلايي؟”

لما تقوليلو إنو فيتي تنامي أو تتحممي.

٥. “انتي غير كل البنات”

تشرفنا.

٦. “بعرف انك أزغر مني بس كتير واعية لعمرك”

جواب كل شاب عام يحكي بنت أزغر منو.

٧. “أديه واصله مع شب؟”

سؤال ما بينسأل. خلص بقا.

٨. “بتلعبي تروث أور دير؟”

لما مش عرف كيف يسألك الاسئلة الحشريه بلا ما تعمللو بلوك.

٩. “هلأ صرت منيح.”

لما تسألي كيفو.

١٠. “بدفيكي بقلبي.”

لما تقولي إنو برد الطقس.

١١. “بدي قلك شي بس شوي غريب.”

تفضل استاذ، شو في؟

صرلن مية سنه بيستعملوا نفس التلطيشات. صار بدنا نسمع أفكار جديدة.