١٨ ذكرى حلوة ما مننساها من أيام الطفولة

مين بيتذكر هالشغلات الحلوة من أيام الطفولة؟

١. لما نجرب نلحق نجيب منقوشة زعتر مع bonjus بكافتيريا المدرسة قبل ما يخلصوا

وكنا نتخانق مين كان واقف بالصف أول

٢. لما كنا ننطر يبلش MiniStudio أو برنامج كيف وليش

ونبلش نرقص عالموسيقى

٣. لما كنا نبلش نخطط وين رح يكون عيد ميلادنا قبل ب ٣ أشهر

بس بالاخر من روح على بيت خالتو

٤. لما دايماً كنا نتحلى بالبسكوت وراحة عند تيتا

٥. لما كنا ننبسط إنو فينا ننزل عالدكانة مع ١،٠٠٠ ليرة

وقتا كانت ال-١،٠٠٠ ليرة تشتري نص الدكانة

٦. لما كان يطلعلنا هدية بعد الروحة عند الحكيم

٧. لما نلبس الأحذية مع دواليب عالمدرسة ونتسابق مع باقي التلاميذ

كان يضوي كمان!

٨. لما يطلعلنا دولار نهار العيد

٩. لما كان في مشاوير مع المدرسة وكنا نركض نحجز محل على الباص

١٠. لما كنا ننطر معرض الكتاب كل سنة

أحلى شي كان نرجع عالبيت مع كتب ودفاتر للمدرسة

١١. لما كنا نحتفل بعيد الاستقلال بالمدرسة

ما كان عنا صفوف وكنا نقضي النهار عم ناكل مناقيش وننبسط بالملعب!

١٢. لما نقضي نهار برات البيت مع العايلة ونجيب بوظة عالرجعة

كنا نجوي السيارة بس معليش

١٣. لما ماما يكون عندها مشوار عالMonoprix وكنا نجي معها لنشتري اشيا طيبة

أطيب شي كانو الCoco puffs على شوكولا

١٤. لما كانو اهلنا يعزمو ناس عالعشا ونقضي يومين عم ناكل معجنات وورق عنب

١٥. لما كنا ندق لأهلنا من تلفون المدرسة لتقول إنو حدا من رفاقك بدو يجي معك عالبيت

“عنا شي project نحضره بكرا” بس كنا نقضيها لعب

١٦. لما كنا نلعب لعبة الغلة بساحة المدرسة

كنا كمان نتاجر فيهن

١٧. لما كنا نخاف يجي لينا أبو كيس بس نعذب اهلنا

١٨. لما كان بياع الفول وترمس يوقف حد المدرسة