١٥ شغلة رح يفهما كل تلميذ الجامعة اللبنانية

رغم كبر الجامعة اللبنانية وتنوع الناس اللي بتدرس فيها، بس التجربه الجامعية هي اللي بتجمع تلميذها. وهول ١٥ شغلة ما حدا رح يفهمن غير تلاميذ الجامعة اللبنانية.

1. الإضرابات اللي ما بتخلص، ويا ريت حدا بيعرف ليش

“ليكو، حدا بيعرف ليش مأضربين هالمرة؟”

2. website الجامعة اللي بعمرو ما شتغل

“فتح معك سيسول؟”

3. مهلة التسجيل اللي ضيعتنا كلنا

-خلص التسجيل؟

-لا، مددوها لأخر شباط

4. معجنات جعفر

وين ما كنتو، حتلاقو منو، ودايماً بكون أطيب شي.

5. الدورة التانيه دايماً بتكون بنص الصيفية

وإذا طلعلك مكيف بصفك، عراف إنو الله بحبك

6. رح يعطونا بطاقة جامعة هالسنة؟

الجواب عل أرجح هو لأ.

7. ما فيك تمارس حقوقك بالتصويت بإنتخابات الجامعة

… لأنهم إنمنعو من شي 10 سنين.

8. الكافيتريا

كوكا كولا ومنقوشة أبو عبد ونسكافه بالشتويه لتضل عايش وتخلص صفوفك كل يوم

9. الحضور إلزامي؟

“لأ؟ طب يلا، باي.”

10. الصيفية الموعودة اللي بحياتنا ما رح نعيشها

“أية سفرة؟ عندي إمتحانات أول سمستر وتاني سمستر من أول وتاني سنه بتموز.”

11. ناطرين ع اعصابنا لنعرف شو القرار الجديد اللي حينزعلنا الشهر الجايي من حياتنا

وبعمرن ما قصرو معنا من هالناحيه.

12. دايماً هيكون في الدكتور اللي رح يسقطك بأول دورة

“ما تخاف، بنجحك بالتانية.”

13. كب حرام مع أية تلميذ لبنانية بتلطقى فيه.

تعبنا، بس هيك.

14.منتمسخر من أيا تلميذ جامعة خاصة بس ينق عن قرارات جامعته ال-“خرا”

اه، بس هيك؟ طب شدلي حالك حبيبي.

15. ما رح تتذكرو اخر مرة نمتو فيها ل 8 ساعات متتاليين

عل درس والضغط اللي ما الن عازي.