١٧ متل شعبي لبناني وشو بيعنو

الأمتال اللبنانيي كتيرة، كرمال هين جمعنالكن ليستا تالتة بأهضم وأطرف الأمتال الشعبية:

١. تمسّك بنحسك لا يجيك انحس منو:

خليك بمشكلتك ليجيك أصعب منها

٢. تْدَيَّن ودَيِّن، بتغرق ما بتبيِّن:

بينقال ضد الديون

٣. ضليت صلي حتى حصل لي، ولما حصل لي بطلت صلي:

بتذكر الله وقت كون بحاجة إله بس

٤. علمناهن على الشحادة سبقونا على الأبواب:

علمناهن على ممارسة معينة، سبقونا فيا

‏٥. عنزة ولو طارت:

بتنقال عن العنيد

٦. قالوا، حبني وخدلك جحش، قالوا: المحبة ما بتصير دحش:

المحبة ما بتصير بالقوة، بتنبع من القلب

٧. ما في قبيلة ما طلع منها هبيلة:

كل عيلة فيا غبي

٨. مليح اللي طلعت منك وما إجت مني:

من حسنات الله إنك إنت لي قمت بالعمل القبيح وما عملتوا أنا

٩. من تحت الدلفة لتحت المزراب:

بيخلص من مصيبة من مصيبة بفوت بغيرها

١٠. واحد حامل دقنوا والثاني تعبان فيها:

بينقال للشخص لي بيحمل هم غيرو بدون فايدة

١١. وجو بيقطع الرزق:

بينقال عن الشخص لي حظو بشع ووجو مكش

١٢. يلي خاف من العروس ما جاب ولاد:

لي بخاف من عروسته ما بجيب ولاد

١٣. ابن ابنك الك ابن بنتك لا:

ولاد البنت حصة جوزها

١٤. لجوازة صندوق مسكر:

ما حدا بيعرف كيف بتكون الجازة

١٥. بياخدك عالبحر وبيردك عطشان:

بتنقال عن لي بلوفك وبكذب بحكيو

١٦. مين أنا ومين إنت:

أنا وإنت شخص واحد

١٧. انا وانت والزمن طويل:

باخد بتاري ولو بعد طول سنين