٥ ماركات لبنانية فيكن تستبدلوها بالماركات العالمية
مع أزمة الدولار والغلا الكبير، كتار منا قرروا يستخدموا مستحضرات محلية بأقل كلفة. كرمال هيك قررنا نجمعلكن 5 منتجات مصنوعين محلياً وموجودين بالسوق بأسعار مقبولة وجودة بتوازي جودة الماركات العالمية.
1– “كوزمالين” فخر الصناعة الوطنية بامتياز، بصنعوا أجود أنواع الشامبو ومستحضرات الشعر والوج والغسول اليومي وغسول الإيدين لي بتم تطويرهم بشكل مستمر وإضافة روايح جديدة ومنعشة كل مرة.
2- “ساموا” من أهم ماركات المكياج بلبنان ومنتجاتن كتير مرتبين ومناح وأسعارهم معقولة. بتلاقو عندن مختلف أنواع مستحضرات التجميل وأجدد الألوان وبذات جودة الماركات العالمية.
3- “خان الصابون” ماركة لبنانية مهضومة كتير ومصنعة من مواد طبيعية وأعشاب مداوية للبشرة وللشعر، بتلاقوا عندن مختلف أنواح مستحضرات الشعر والبشرة والصابون وحتى العطور.
4- “سادا باك كوزميتيكس” ماركة لبنانية معروفة، بتصنع مختلف مستحضرات التجميل والماكياج والشعر وبأسعار مقبولة وجودة منيحة.
5- “ بيزلاين” ماركة لبنانية معروفة كتير مش بس بلبنان حتى ببعض المحلات برات لبنان. لي بميز هل منتج غير إنو صناعة وطنية وأحسن نوعية، إنو مكون من مواد طبيعية جايي من النحل لي يعتبر علاج طبيعي للبشرة وللشعر. بتلاقوا عندن مختلف أنواع مستحضرات التجميل والشعر وبجودة عالمية وعلى طول في إشيا جديدة ومبتكرة كمان!
