١٢ محل من مختلف المناطق اللبنانية لمحبي القهوة

مين فينا مش عايش على القهوة، خاصة بهالظروف الصعبة؟ في أحلى من إنو نجتمع مع حبايبنا على فنجان قهوة ونخبر خبارنا؟ كرمال هيك جمعنالكن عشر قهاوي مهضومين من مختلف المناطق اللبنانية من شماله لجنوبه. نقوا واختاروا!

١. كوبا كافيه

مشوارنا مبلش بالشمال وتحديداً بالقبيات، رح نتعرف على قهوة “كوبا” المميزة الواقعة على أوتوستراد الضيعة بوج المستديرة. هل محل بيتميز بكرموا وقعدته الحلوة وبقهوته الشهية والغنية.

٢. فور باي فور

تاني محطة رح تكون بطرابلس بقهوة “فور باي فور” لي بقتدم أجود أنواع القهوة المعمولة بطريقة تقليدية ولبنانية على الأصول.

٣. بيفي

المحطة التالتة رح تكون بمنطقة مزيارة الشمالية بقهوة “بيفي” لي مشهورة بديكورها الساحر وفنجان القهوة مع الكاراميل لي بتاكلوا صابيعكن ورا.

٤. ثينكرز

المحطة الرابعة رح تكون بزحلة بقهوة “ثينكرز” لي مشهورة مش بس بالقهوة الطيبة وبالكايك على شوكولا الشهي كمان.

٥. ذا غايت

المحطة الخامسة بالبترون وتحديداً بقهوة “ذا غايت” المطلة على البحر والمتخصصة بالقهوة الأمركانية.

٦. لا ميزون دو كافي نجار

المحطة السادسة رح تكون بجبيل، مدينة الحرف، عند قهوة “لا ميزون دو كافي نجار” لي بتقدم قهوة صنع معمل نجار مع قعدة حلوة وموسيقى رايقة.

٧. كافي ترايل

المحطة السابعة بجونية وعند محل “كافي ترايل” لي بقدم كل أنواع القهوة لي بتخطر عبالكن وأشهى الحلويات كمان!

٨. أغونيست

المحطة الثامنة بالزلقا بقهوة “أغونيست” المتخصصة بجميع أنواع القهوة الأجنبية وبقدموا حلوا كمان!

٩. بو

المحطة التاسعة رح تكون بقهوة “بو” بالشياح لي قعدته مهضومة ورايقة وما في شي بيمنع تجيبوا معكن درسكم كمان!

١٠. ال-١٤

المحطة العاشرة رح تكون بقهوة “ال ١٤” ببحمدون لي بتقدم حلويات وبعض السندويشات كمان.

١١. بلند

المحطة التاسعة رح تكون بقهوة “بلند” بصيدا لي بتتميز بالقهوة الحلوة ولي كلا سكر وبالقهوة بحليب مع فواكي.

١٢. لو ديليس

المحطة العاشرة والأخيرة رح تكون بمنطقة جزين بقهوة “لو ديليس” بالتحديد لي تقدم قهوة لبنانية و”ايسبريسو” ومشروبات متعددة وبعض أنواع المأكولات.

زوروا صفحاتهم على الإنستغرام أو فايسبوك وتواصلوا معهن بشكل مباشر!