يلي بحبو بطنن، ضروري يجربوا هالمحل بالكسليك

مين بحب الأكل الملغوم بالصوص والجبنة؟ يلي عبالو ياكل ويشبع عالمزبوط، ضروري يزور Junkbox بالكسليك. هيدا المحل بقدم أطيب برغر وسندويشات مع صوص خاص غير شكل.

يلي عبالو يغطس ببرغر كتير طيب، يجرب Junk’s Burger، يلي هي برغر على دجاج فيها جبنة دايبة، موزاريلا ستيكس، chips مقرمش، وصوص كتير مميز.

ولمحبي السندويشات، في عندن ال-Boneless Chicken وهي أشهر وأطيب سندويشة على المنيو! طعمتها غير شكل. قطع دجاج مغطسى بصوص الباربكيو وhoney mustard مع chips مقرمش.

رفيقك يلي ما بحب الأكل الدسم والملغوم بكل شي طيب، انسى أمرو. ضروري تجربوا Junkbox إذا بعضكن ما مجربينه. وإذا هيدا من محلتكن المفضلة، يلا شو ناطرين؟

فيكن تطلبوا عبر Zomato أو تزروهم ب-K Square بالكسليك! بيفتحوا كل يوم إلا نهار الأحد من ١٢ الضهر ل-١٠ بالليل.