١٠ فيديو كليبات ما مننساهن من إيام الطفولة

مين فينا ما بحّن للأغاني اللبنانية القديمة لي تصورت أول ما بلش لبنان يعتمد تقنية الفيديو كليب؟ في كتير أغاني ومشاهد بقيت علقاني براسنا وربينا عليها وأكيد منفرح كل ما نرجع نسمعها. تعوا نرجع نتذكرها سوا!

1- نوال الزغبي: دلعونا

بهل غنية كانت طلة نوال غير شكل بالأصفر وبشعرها المالس ووجها “الأسمر اللون”. مين فينا مش علقاني براسو هل عبارة “يا ما ما ما يا ما ما ما يا ما ما ما ما”.

نوال كانت مشهورة بأهضم الأغاني، ومن بين هل أغاني “الليالي رجعتلي تاني حب قلبي من جديد” لي بتقضيا نوال عم ترقص وكل مرة بطلة شكل، مرة بالأزرق ومرة بالزهر.

مين فينا ما بتيذكر الصبية الحلوة كتير لي بطل أول مرة عم تغني “بدي دوب” هي ولافة حالها بشرشف أبيض وعم ترقص وتغني: “يا للي قلي بحبك قلي، قلي، قلي بحلم!”

هل غنية مش بس انشهرت لأن لحنها مرح وقريب للقلب، بس كمان لأن تصورت بطريقة غريبة وعجبت الولاد بصورة خاصة: هاني كان عم يظهر على شكل الرسوم المتحركة.

5- هاني العمري: كلن شافوك

كمان بهل فيديو بيتحول هاني من شخص عادي لشخص مرسوم عم يتحرك. الفيديو كتير مهضوم ومصور بضيعة وفيو تقنيات جديدة ومرحة كنا أول مرة منشوفها بلبنان.

من أجمل أغاني راغب إذا مش الأجمل. لحنها كتير حلو وفرح وأهضم شي رفقات حبيبتو لي هني رسوم متحركة عم ترقص بطريقة طريفة.

بهل فيديو بيظهر راغب عم يرقص بلوك الشب الجغل لي كل البنات حوالي عم يرقصو بس هوي ما في غير حبيبتو ببالو.

من أجمل الأغاني الرومنسية بوقتها، بتحكي عن بنت مغرومة وبتحلم بحبيبها ليل نهار وبتشوفو من بعيد وهوي…

أشهر غنية لباسكال لي كلنا اشتقنالها، هل فيديو بيحكي عن قصة حب بلشت بين ولدين ربيو بالضيعة سوا وكبروا سوا وبقيوا يحبوا بعض وكتير كمان.

بتظهر مايا بالفيديو هي وعم تغني لحبيبها “يا واحشني وانت جنبي سبت ألف حاجة خلفي” بكافي والناس عم ترقص سالسا وهي عم تتأمل لي بتحبو وتغنيلو.