إشيا تعودنا نسمعا بلبنان كل يوم

هل صيفية “ولعانة” بلبنان من كل الميلات: ديلتا، دولار، مغتربين، حفلات، مصايب، زعما ومؤتمرات، مشاكل الكهربا والموتير وشو بعد في لتكمل؟ شو هني أكتر جمل تعودنا نسمعا هل صيفية بلبنان؟

1. في “كورونا” نتبهوا يا ماما وهلق وصلت الدلتا : يا شحاري أنا!

2. الدولار علي وصار “19500”، يا دلي كيف بدنا نضاين لآخر الشهر!

3. جايين من السفر، مين جايي؟

كلن جايين، ما الدولار رخيص، يا الله شو مبسوطة!

4. حبيبتي حضري حالك عنا عرسين و3 خطبات و 2 “بروبوزل” هل جمعة: يعني نص لبنان تجوز هل صيفية والنص التاني خطب، وإنت بعدك عذابي!

5. لوين بدنا نروح؟ ما معي بنزين! وين بدي عبي فاضيي السيارة؟ بتعرف شي حدا بفولي؟

6. عندي صف اليوم، صفي ساعتين، بتجي تروحي معي، منتسلى ولو!

بس إنتو ما عرفتوا صف شو: أكيد صف بنزين!

7. طب كيف الناس ساكتة، البلد خربان ما بق في شي، كيف فيون يسكتوا، حدا يعمل شي!

8. يايي إجت الكهربا، صار فينا ندور ال”آيس سي” نص ساعة: والله عم دوب!

9. يايي إجت الفيزا تبعي! بدنا نرقص اليوم، بدي جن: رح بلش تنظير عليكن من هلق ها!

10. شفتوا الأسعار نار، يلا شو بدنا نعمل، جيبوون لإلكن.

11. مشي الحال، حجزت “بولد” لأربع أشخاص على التسعة، حضروا حالكن. وما تتأخروا، ما بيرجعوا يفوتونا، بتعرفوا العجقة والحجوزات على القد، متنا وعشنا للقينا طاولة.

بالنهار “عم ننهار” وبالليل “يا عين يا ليل”:حق الرب، في أهضم منا؟