أحلى مشوار مع العيلة تحت الأرزات!

يلي حابب يتعرف على محلات جديدة ومميزة، ما إلكن غير تتوجهوا صوب الشمال عند منتزه “أرزات” بحدث الجبة.

إذا عبالكن تعلملوا جمعة مع الأصحاب أو العيلة، هل محل جاهز يستقبلكن كل يوم وبأمنلكم مختلف النشاطات والتجهيزات: خيم، طاولات وكراسي، إضاءة بنكهة تايلاندية، كافي بار بقدم أطيب القهوة والمشروبات ومحل مجهز لمختلف نشاطاتكم.

هل محل مثالي لجميع مناسباتكن حيث فينكن تحجزوا المكان قبل بوقت وتطلبوا البوفيه الخاص لي بقدموا وتستمتوا بالقعدة الحلوة، الزينة، الهوا الشمالي والأرزات. ويلي عندو ولاد ومش عرف وين ياخدن ليتسلوا، هيدا المحل الكن!

على “أرزات” فيكن تجيبوا حيوناتكن كمان وتعملو “بيكنيك” تحت الأرزات وتستمتعوا بمختلف النشاطات والسهرات. مافي أحلى من هيك قعدة مع هوى شمالي. فيكن تهربوا من الشوبات وتستمتعوا بالهويات!

الإستعلام والحجز زوروا موقعن على “الإنستاغرام“.