أطيب محل باستا بمار مخايل!

في أطيب من باستا سخنة ومغطسة بالجبنة؟ إذا بعدكن مش سامعين ب-“ماك اند شيز”، صار لازم نعرفكن!

إذا انتو من محبي الباستا، هيدا المحل الكن. أشهر طبق عندن هو أكيد الماك اند شيز، وهيدا الصنف عبارة عن باستا مغطس باطيب خلطة جبنة كتير مميزة مع كعك مطحون عل وج. كتير مننصحكن تاكلو الماك اند شيز إذا بعدكن عم تجربوا لأول مرة!

بس ما تخافوا. يلي بياكلو باستا دايماً بحبوا تكون ١٠٠% ع زوقن، وكرمال هيك فيك تنقي شو عبالك تحط بالباستا! في كل أنواع الخلطات مع كتير أجبان وأطيب خيارات تحطن عل وج.

بكفي قدي أصحاب المحل مهضومين! بحبوا فن الطبخ وبيعملوا كل الباستا بحب. رح تحسوا حالكن قاعدين مع أصحابكن، وكونوا اكيدين إنو رح تكون تجربة ٥ نجوم. مش بس أكلن طيب، الجو عندن كتير حلو!

“ماك اند شيز” من المحلات يلي تدمرت بعد الإنفجار، بس ما تدمر حبهن للباستا وزبائنهم المخلصين!

شو ناطرين؟ يلا ع مار مخايل!